POLŞA UKRAYNAYA XƏBƏRDARLIQ EDİR

11.11.2003 [22:40]
Çap et
A⁺ A^-

Polşa Ukraynaya xəbərdarlıq etmişdir ki, əgər Odessa-Brodı neft kəmərini dekabrın 6-dək Xəzər nefti ilə doldurmasa, bu kəmərin Polşanın Plotsk şəhərinədək çəkilməsi haqqında danışıqları dayandırmalı olacaqdır. AZƏRTAC-ın İTAR-TASS agentliyindən aldığı xəbərə görə, bunu Ukrayna xarici işlər nazirinin birinci müavini Aleksandr Çaloqo baş nazirin müavini Vitali Qayduka məktubunda açıqlamışdır.

Xatırladaq ki, Polşa və Ukrayna hökumətləri Odessa-Brodı neft kəmərinin Plotskadək tikintisinin başa çatdırılması haqqında oktyabrın 30-da Kiyevdə müqavilə imzalamağı planlaşdırmışdılar. Mərasimdə Avropa Komissiyası sədrinin müavini xanım Loyola de Palasionun da iştirak edəcəyi gözlənilirdi, lakin o, Kiyevə səfərini təxirə salmışdır.

Bu boru kəməri Xəzər neftinin Avropaya göndərilməsi üçün Avrasiya neft nəqliyyat dəhlizinin əsası kimi düşünülmüşdür. Birbaşa Odessa-Brodı xəttini Avropa Birliyi, ABŞ, Azərbaycan və Qazaxıstan da dəstəkləyirlər.

POLŞA UKRAYNAYA XƏBƏRDARLIQ EDİR

MÜƏLLİFLƏ ƏLAQƏ

Bölmənin digər xəbərləri