PREZİDENTİN GƏDƏBƏYƏ SƏFƏRİ RAYONDA BÖYÜK CANLANMA YARATMIŞDIR
AZƏRTAC-ın müxbiri xəbər verir ki, cari ilin ötən 11 ayı ərzində ümumdaxili məhsul istehsalının həcmini 3 milyon manata çatdıran Gədəbəy rayonunun sakinləri bir çox sahələr üzrə uğurlu nəticələrə nail olmuşlar. Rayonda aparılan aqrar islahatlar nəticəsində kartof istehsalı üç dəfə artaraq 200 min tona, iribuynuzlu mal-qaranın baş sayı dörd dəfə çoxalaraq 70 min başa, xırda davarların baş sayı isə üç dəfə artaraq 300 min başa çatdırılmışdır. Eyni zamanda, rayonda ət, süd, yun, yumurta və digər kənd təsərrüfatı məhsullarının istehsalı da əvvəlki illərə nisbətən xeyli artmışdır.
Rayon icra hakimiyyətindən bildirmişlər ki, Prezident İlham Əliyevin Gədəbəyə səfərindən sonra rayonda böyük canlanma yaranmışdır. İndi hər bir gədəbəyli ölkəmizin başçısının verdiyi göstəriş və tövsiyələri yerinə yetirmək üçün bütün qüvvəsini səfərbər edərək məhsul bolluğu yaradılmasına çalışırlar.
