Prezidentlik fəaliyyətinin 100 günlüyündən sonra Vladimir Zelenskinin reytinqi yüksək olub
Kiyev, 28 avqust, AZƏRTAC
Prezidentlik fəaliyyətinin ilk 100 günlüyündən sonra Ukrayna dövlətinin başçısı Vladimir Zelenskinin reytinqi yüksək olub. AZƏRTAC xəbər verir ki, Demokratik Təşəbbüs Fondu və Kiyev Beynəlxalq İnstitutunun birgə apardığı sorğu əsasında Zelenskinin Ukrayna vətəndaşlarının 70 faizinin etimadını qazandığı açıqlanıb.
Bu göstərici Ukraynanın bütün prezidentlərinin reytinqindən yüksəkdir. Rəy sorğusuna əsasən Ukrayna Prezidentinin komandasına isə 63 faiz etimad göstərir.
Əhalinin dövlət başçısından əsas gözləntisi Ukrayna ərazisində münaqişənin həlli (71,5 faiz), əməkhaqqı və pensiyanın artırılması (44 faiz), tariflərin aşağı salınmasıdır (31 faiz).
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
