“Professor Nizami Xudiyevin həyatı və yaradıcılıq yolu” adlı kitab nəşr olunub
Bakı, 6 fevral, AZƏRTAC
Mədəniyyət Nazirliyinin dəstəyi ilə yazıçı, pedaqoji elmlər namizədi Allahverdi Eminovun “Professor Nizami Xudiyevin həyatı və yaradıcılıq yolu” adlı kitabı işıq üzü görüb.
Nazirlikdən AZƏRTAC-a bildirilib ki, kitabda görkəmli ictimai, mədəniyyət və dövlət xadimi, filologiya elmlər doktoru, Əməkdar elm xadimi, professor Nizami Xudiyevin həyat və yaradıcılıq yolundan bəhs olunur.
“Şərq-Qərb” nəşriyyatında yüksək poliqrafik keyfiyyətlə çap edilən kitab Mədəniyyət Nazirliyinin tabeçiliyində olan kütləvi kitabxanalara paylanılacaq.
Bölmənin digər xəbərləri
