Psixometriya üzrə elmi-metodiki seminar olmuşdur
Bakı, 12 noyabr (AZƏRTAC). Elmi-metodiki seminarda məntiqi təfəkkürün yoxlanılması üzrə növbəti tədris ili üçün magistraturaya qəbul imtahanı proqramı layihəsinin, “Magistr” jurnalında dərc olunacaq test tapşırıqları nümunələrinin və onlara dair izahlı məlumatın müzakirəsi davam etdirilmişdir.
Tələbə Qəbulu üzrə Dövlət Komissiyasından AZƏRTAC-a bildirmişlər ki, proqram layihəsi əlavə və dəyişikliklərlə qəbul olunmuşdur. Ümumi intellekt səviyyəsinin (məntiqi təfəkkürün) müəyyən edilməsi üzrə magistraturaya qəbul proqramı “Magistr” jurnalının 1-ci nömrəsində dərc ediləcəkdir.
Noyabrın 15-də keçiriləcək növbəti seminarda 2013-cü ildə ali təhsil müəssisələrinin magistraturalarına qəbul imtahanında istifadə olunmuş test tapşırıqlarının elmi-metodiki və statistik təhlili aparılacaqdır.
Bölmənin digər xəbərləri
