ELM VƏ TƏHSİL
QALİB MÜƏLLİMLƏR MÜKAFATLANDIRILMIŞLAR
AZƏRTAC xəbər verir ki, Amerika Beynəlxalq Təhsil Şurası (ACCELS) dekabrın 8-9-da Beynəlxalq Mətbuat Mərkəzində Tədris üzrə yüksək mükafatlar (TEA) proqramının qaliblərinin texniki vəsaitlə (kompüter dəstləri, surətçıxaran aparat, maqnitofon və s.) mükafatlandırma mərasimləri keçirmişdir.
Mərasimdə Təhsil Nazirliyinin, Bakı Şəhər Baş Təhsil İdarəsinin və ABŞ-ın ölkəmizdəki səfirliyinin nümayəndələri, eləcə də TEA Proqramında qalib gəlmiş şəhər və rayon məktəblərinin müəllimləri iştirak etmişlər.
Müsabiqənin birinci mərhələsində qalib gələn 76 müəllimə xüsusi sertifikatlar, ikinci mərhələnin qalibilərinə 40 nəfərə 200 ABŞ dolları həcmində ədəbiyyat və ikinci mərhələnin qaliblərinin təmsil etdikləri məktəblərə isə 2000 ABŞ dolları dəyərində texniki vəsait təqdim olunmuşdur.