CƏMİYYƏT
Qan Donorları Assosiasiyası fəaliyyətini genişləndirir
![Qan Donorları Assosiasiyası fəaliyyətini genişləndirir](/files/2014/2/1200x630/14087123643008135637_1200x630.jpg)
Bakı, 1 iyul (AZƏRTAC). Azərbaycan Talassemiya Federasiyası ilə Qan Donorları Assosiasiyası arasında birgə əməkdaşlığın qurulmasına həsr olunmuş yığıncaq keçirilmişdir.
Assosiasiyanın mətbuat xidmətindən AZƏRTAC-a bildirmişlər ki, tədbir yaxın gələcəkdə gənclərin qan donorluğuna cəlb edilməsi, maarifləndirilməsi, o cümlədən gənclər arasında qan donorluğu mədəniyyətinin formalaşdırılması istiqamətində birgə əməkdaşlığın əldə olunması məqsədi daşımışdır.
Görüşdə Azərbaycan Talassemiya Federasiyasının prezidenti Nailə Quliyeva və vitse-prezidenti Gülgün Abbasova, eyni zamanda, Qan Donorları Assosiasiyasının sədri Fuad Əsgərov və mətbuat katibi Ədalət Şahbazov iştirak etmişlər.
Hər iki təşkilatın nümayəndələri həyata keçirəcəkləri layihələrdə irsi qan xəstəlikləri və qan donorları arasında şəbəkənin qurulmasında vasitəçilik etmək niyyətində olduqlarını bildirmişlər.