QARABAĞ ƏLİLLƏRİ QARŞISINDA MÜQƏDDƏS BORC
Kiyevdən yola düşməzdən əvvəl o, diplomatlarımıza səmimi minnətdarlığını bildirmək üçün qardaşı ilə birlikdə Azərbaycanın Ukraynadakı səfirliyinə gəlmişdir. Həmyerlimiz məhz onların şəxsi vəsaitləri hesabına Saki kurort şəhərindəki Burdenko adına sanatoriyada 35 gün müalicə olunmuşdur.
20 yaşında könüllü surətdə cəbhəyə gedən İqbal Mürsəlov erməni işğalçıları ilə döyüşlərdə qəhrəmanlıq göstərmişdir. Döyüşlərin birində aldığı ağır yaralar və nəticədə hərəkətsiz qalması onu ön cəbhədən geri qayıtmağa məcbur etmişdir. Gənc veteran artıq ikinci ildir ki, Azərbaycan diplomatlarının köməyi ilə Qara dəniz sahilində müalicə olunur.
İqbal Mürsəlov deyir ki, keçən il Xırdalanda ona mənzil ayırdığına görə Azərbaycan Prezidenti Heydər Əliyevə, eləcə də onun səhhətinə diqqət və qayğı göstərdiklərinə görə ölkəmizin Ukraynadakı səfirliyinin əməkdaşlarına çox minnətdardır.
