“Qarabağ” futbol klubunun rəhbərliyində struktur dəyişikliyi olub
Bakı, 21 sentyabr, AZƏRTAC
“Qarabağ” futbol klubunun rəhbərliyində struktur dəyişikliyi olub.
Klubdan AZƏRTAC-a bildiriblər ki, “Qarabağ”ın prezidenti Abdolbari Gozal klubun fəxri prezidenti seçilib. Klubun prezidenti funksiyasını isə “Qarabağ”ın vitse-prezidenti olmuş Tahir Gözəl yerinə yetirəcək. Klubun baş sponsoru “Azersun Holding”in rəhbər heyətindən Fevzihan Aras vitse-prezident təyin olunub.
Tahir Gözəl 2004-cü ildə “Qarabağ”ın vitse-prezidenti təyin olunub. Həmin tarixdən bu günədək “Qarabağ” iki ölkə çempionluğu yaşayıb, üç dəfə ölkə kubokuna sahib olub. Avropa Liqasının qrup mərhələsində 2 dəfə çıxış etməklə ölkə futbol tarixində bir ilki bacarıb.
Bölmənin digər xəbərləri
