“Qarabağ” klubu “Olimpiakos”un qapısından ikinci topu keçirib
Bakı, 7 oktyabr, AZƏRTAC
UEFA Avropa Liqasının qrup mərhələsi çərçivəsində keçirilən oyunda “Qarabağ” klubu ikinci qolunu vurub.
AZƏRTAC xəbər verir ki, Georgios Karaiskakis stadionunda keçirilən matçın 82-ci dəqiqəsində Marko Veşoviç “Olimpiakos”u məyus edib - 2:0.
Matçda ilk qolu 71-ci dəqiqədə Kvabena Ovusu vurub.
Qarşılaşmanı Bosniya və Herseqovinadan olan FIFA referisi İrfan Pelto idarə edir.
Qrupun digər oyununda “Frayburq” Almaniyada Fransanın “Nant” klubunu qəbul edir. Həmin oyunda Almaniya təmsilçisi öndədir - 2:0.
Hesabında 6 xal olan “Frayburq” qrupda birinci pillədə qərarlaşıb. “Qarabağ” 3 xalla ikinci, “Nant” isə üçüncü yerdədir. “Olimpiakos”un isə hesabında xal yoxdur.
Bölmənin digər xəbərləri
