QAXDA YENİ DAMAZLIQ TƏSƏRRÜFATI YARADILMIŞDIR
Qax Rayon İcra Hakimiyyətindən AZƏRTAC-ın müxbirinə bildirmişlər ki, rayonun “Qələbə” kəndli-fermer təsərrüfatının nəzdində yeni damazlıq-camışçılıq təsərrüfatı yaradılmışdır. Hazırda təsərrüfatda 100-dən artıq damazlıq camış saxlanılır. Yeni təsərrüfatın yaradılmasından əsas məqsəd qaramalın cins tərkibini yaxşılaşdırmaq və rayonda heyvandarlıq məhsulları istehsalının daha da artırılmasına nail olmaqdır.
Bundan əlavə, tezliklə rayonda qaramal, qoyunçuluq və arıçılıq sahələrinin hər biri üzrə daha bir neçə damazlıq təsərrüfatının yaradılması da nəzərdə tutulmuşdur.
Bölmənin digər xəbərləri
