Qazaxıstan bir sıra ölkələrlə müntəzəm uçuşları bərpa edir
Nur-Sultan, 3 noyabr, AZƏRTAC
Qazaxıstanın “Air Astana” aviaşirkəti Hindistan və Qırğızıstanla müntəzəm uçuşları bərpa edir.
AZƏRTAC xəbər verir ki, noyabrın 15-dən etibarən “Air Astana” Almatı və Dehli arasında həftədə üç dəfə olmaqla uçuşlar həyata keçirəcək. Qazaxıstan Sənaye və İnfrastruktur İnkişaf Nazirliyindən bildirilib ki, yerli aviaşirkət Nur-Sultan və Bişkek arasında reysləri də bərpa edəcək.
Qeyd olunub ki, aviareyslər sanitar-epidemioloji tələblərə ciddi riayət olunmaqla həyata keçiriləcək.
Xatırladaq ki, “Air Astana” aviaşirkəti noyabrın 7-dən Almatı-Bakı reysini bərpa edir.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
