DÜNYA
QAZAXISTAN PREZİDENTİ MDB ÇƏRÇİVƏSİNDƏ VALYUTA İTTİFAQI YARADILMASINI LABÜD HESAB EDİR
AZƏRTAC-ın xüsusi müxbiri Almatıdan xəbər verir ki, Qazaxıstan Prezidenti N.Nazarbayevin “Kazaxstanskaya pravda” qəzetinə verdiyi müsahibədə gələcəkdə MDB çərçivəsində vahid pul məkanı yaradılmasını obyektiv və labüd sayır. Müsahibədə deyilir: “Mən əminəm ki, bu, zamanın tələbidir. Əgər biz – MDB dövlətləri bu istiqamətdə bir iş görməsək, hər hansı yad valyutanın təsir dairəsinə düşə bilərik”.
Hələlik isə, Avrasiya İqtisadi Əməkdaşlıq Təşkilatının üzvü olan ölkələr – Belarus, Qazaxıstan, Rusiya və Ukrayna 2007-ci ildə vahid valyuta sisteminə keçməyi planlaşdırıb. Bu haqda artıq razılıq əldə edilib. Qəti qərar isə adları çəkilən dövlətlərin sabit inkişafını təmin edəcək maliyyə, iqtisadi, qanunvericilik şəraiti qaydaya düşdükdən sonra qəbul olunacaqdır.