QAZAXISTAN “ŞKODA” AVTOMOBİLLƏRİ BURAXACAQ

04.09.2003 [21:16]
Çap et
A⁺ A^-

Qazaxıstanın Baş naziri Danial Axmetov “Şkoda” firmasının idarə heyətinin sədri Vratislav Kulxaneklə görüşmüşdür. Onlar Qazaxıstan müəssisələrinin birində “Şkoda” markalı avtomobillər yığmaq üçün komplektləşdirici avadanlıq göndərilməsi məsələsini müzakirə etmişlər.

Layihə həyata keçirilərsə, bu, Qazaxıstanda ikinci belə müəssisə olacaqdır. Bu ilin əvvəlində Ust-Kamenoqorskda “VAZ” avtomobilləri buraxan “Asiya avto” müəssisəsi artıq işə başlamışdır. Müəssisə Rusiyanın “AvtoVAZ” şirkəti ilə Qazaxıstanın “Bipek Avto” şirkəti arasında əldə edilmiş razılıq əsasında yaradılmışdır. 9 milyon dollar sərmayə qoyulmuş zavodun istehsal gücü ildə 10 min maşın buraxmağa imkan verəcəkdir. Avtomobil zavodunun ikinci növbəsini işə salmaq üçün əlavə 35 milyon dollar sərmayə ayırmaq nəzərdə tutulmuşdur. Bu isə ildə 45 min avtomobil buraxmağa imkan verəcəkdir.

QAZAXISTAN “ŞKODA” AVTOMOBİLLƏRİ BURAXACAQ

MÜƏLLİFLƏ ƏLAQƏ

Bölmənin digər xəbərləri