QAZAXISTAN XƏZƏRDƏ HƏRBİ DƏNİZ DONANMASI YARADACAQ
Qazaxıstanın müdafiə naziri Muxtar Altınbayev Xəzərdə Hərbi Dəniz Qüvvələrinin yaradılması ilə bağlı suala cavab verərkən bildirmişdir ki, Qazaxıstan Xəzər dənizində Hərbi Dəniz Donanmasının yaranmasına ciddi yanaşır və bu donanma 2010-2015-ci illərdə formalaşdırılacaqdır. Onun sözlərinə görə, ABŞ və İngiltərənin yardımı ilə yaradılacaq donanma əsasən, Xəzərin sualtı, suüstü və hava məkanına nəzarət edəcəkdir.
AZƏRTAC-ın müxbirinin “Donanma hansı dövlətlərə qarşı yönəldilib” – sualına cavabında M.Altınbayev demişdir: “Qazaxıstan bu qüvvələrdən ölkəmizlə dinc münasibətdə olan Xəzəryanı dövlətlərə qarşı istifadə etməyəcək”.
Bölmənin digər xəbərləri
