Qazaxıstanda antiterror təlimləri təşkil olunacaq
Astana, 23 iyun, AZƏRTAC
İyunun 24-də Qazaxıstanın Karaqanda vilayətinin Priozyorsk şəhərində antiterror təlimlərinin keçirilməsi planlaşdırılır.
AZƏRTAC bu ölkənin Antiterror Mərkəzinə istinadla xəbər verir ki, təlimlər çərçivəsində şəhər ərazisində nəqliyyat vasitələrinin hərəkətini və ictimai hərəkəti məhdudlaşdıran müvəqqəti tədbirlər nəzərdə tutulub.
Vətəndaşlardan təlimlərin keçirilməsinə anlayışla yanaşmaları, hüquq-mühafizə orqanlarının əməkdaşlarının qanuni tələblərinə əməl etmələri, yalnız rəsmi məlumat mənbələrinə etibar etmələri və yalan məlumatların yayılmasına yol verməmələri xahiş olunur.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
