Qazaxıstanın Müdafiə Nazirliyində kompleks yoxlama aparmaq üçün komissiya yaradılıb
Astana, 26 sentyabr, AZƏRTAC
Qazaxıstanın Müdafiə Nazirliyində işlərin vəziyyəti, o cümlədən hərbi bölmələrin maliyyə və maddi-texniki təminatı kompleks şəkildə yoxlanılacaq.
AZƏRTAC Akordaya istinadla xəbər verir ki, bununla bağlı komissiyanın yaradılması barədə sərəncamı Qazaxıstan Prezidenti Kasım-Jomart Tokayev imzalayıb.
Komissiyaya Qazaxıstan Təhlükəsizlik Şurası sədrinin müavini Aida Balayeva rəhbərlik edir. Komissiya sədrinin müavini vəzifəsinə Ali Audit Palatasının sədri Əlixan Smayılov təyin edilib.
Komissiyaya görülən işlərin ilkin nəticələri barədə yeddi gün müddətində məruzə etmək tapşırılıb.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
