“Qəbələ” klubunun Topaz Premyer Liqasının qarşıdakı iki görüşünün vaxtı dəyişdirilib
Bakı, 21 sentyabr, AZƏRTAC
Avropa Liqasının qrup mərhələsində çıxış edən “Qəbələ” klubu Peşəkar Futbol Liqasına müraciət edərək Azərbaycanın Topaz Premyer Liqasının qarşıdakı iki görüşünün vaxtının dəyişdirilməsini xahiş edib.
AZƏRTAC xəbər verir ki, komandanın Avropa Liqasındakı çıxışını nəzərə alan Peşəkar Futbol Liqası “Qəbələ”nin altıncı və yeddinci turlardakı qarşılaşmalarının vaxtını dəyişib.
Topaz Premyer Liqasının altıncı turunun “Rəvan” - “Qəbələ” matçı sentyabrın 27-dən sentyabr 25-nə keçirilib. Yeddinci turun “Qəbələ” - “Xəzər Lənkəran” oyunu isə oktyabrın 3-dən 4-nə dəyişdirilib.
Bölmənin digər xəbərləri
