Qəbələdən 22 milyon manatdan çox sənaye məhsulu ixrac edilib
Qəbələ, 12 yanvar, Mustafa Dadaşov, AZƏRTAC
2025-ci ildə Qəbələ rayonunda fəaliyyət göstərən sənaye müəssisələri tərəfindən faktiki qiymətlərlə 147 milyon 424,7 min manatlıq sənaye xarakterli məhsul istehsal olunub və xidmətlər göstərilib.
Qəbələ Rayon Statistika İdarəsindən AZƏRTAC-ın bölgə müxbirinə verilən məlumata görə, bu, əvvəlki illə müqayisədə 4 milyon 138,9 min manat və ya 2,9 faiz çoxdur.
İstehsal edilən sənaye məhsulunun 13,2 faizi dövlət, 86,8 faizi qeyri-dövlət sektorunun payına düşüb. İl ərzində rayonda 22 milyon 195,6 min manatdan çox sənaye məhsulu ixrac olunub.
Qurumdan bildirilib ki, rayonun sənayesi əsasən mədənçıxarma, emal, elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı sahələrini əhatə edir. 2025-ci ildə rayonda istehsal edilən sənaye məhsulunun 78,2 faizi emal sektorunun payına düşüb.
Bölmənin digər xəbərləri
