QƏDİM ÇALĞI ALƏTLƏRİ ANSAMBLI FESTİVALDA UĞURLA ÇIXIŞ ETMİŞDİR
Azərbaycan Musiqi Mədəniyyəti Muzeyi nəzdindəki qədim xalq çalğı alətləri ansamblı bu yaxınlarda Fransanın Felestat şəhərində keçirilmiş “Romanların səsi və yolu” festivalından qayıtmışdır.
Festivalda Hollandiya, Almaniya, Fransa, Çexiya, Polşa və digər Avropa ölkələrindən gəlmiş musiqi kollektivləri iştirak edirdilər.
Ansamblımız orta əsr Azərbaycan bəstəkarı və musiqişünası Əbdülqadir Marağinin əsərlərindən, habelə xalq mahnıları və muğamlardan ibarət proqramla çıxış etmişdir. Bu əsərlər bərbət, rübab, zərb, ərgənunə, çəqane, çuğur, dəş kimi qədim Azərbaycan musiqi alətlərində ifa olunmuşdur. Xatırladaq ki, alətlər ansamblın bədii rəhbəri Məcnun Kərimovun təşəbbüsü ilə bərpa edilmişlər. O, özü festivalda rübabda muğam ifa etmişdir. Hazırda bu qədim alətlər ancaq Musiqi Mədəniyyəti Muzeyinin kolleksiyasında saxlanılır.
Ansambl YUNESKO-nun Parisdəki qərargahında da böyük uğurla çıxış etmişdir.
Bölmənin digər xəbərləri
