QEYRİ-LEQAL ZƏVVARLAR SƏUDİYYƏ ƏRƏBİSTANINDAN ÇIXARILIR
Səudiyyə Ərəbistanı hökumətinin məlumatına görə, 2006-cı ildə ümrə ziyarətindən sonra ölkədə dünyanın müxtəlif dövlətlərindən olan 200 minədək zəvvar qalmışdır, onların heç bir sənədi yoxdur. Bu adamların əksəriyyəti ölkəyə ümrə üçün ikihəftəlik viza ilə gəlmiş, lakin hansı səbəblərdənsə, vətənlərinə müəyyən edilmiş müddətdə qayıtmamışlar. Bəziləri dekabrın axırlarında başlanan böyük həcc üçün qalmışlar, digərləri Səudiyyə Ərəbistanında yaşayışın öz ölkələrindəkindən daha yaxşı olduğunu düşünürlər.
Səudiyyə Ərəbistanının hakimiyyət orqanları qeyri-leqal immiqrasiya ilə uzun illərdir mübarizə aparırlar, ancaq bu problemi yalnız qismən həll etmək mümkün olmuşdur. İş ondadır ki, hər il ölkəyə kiçik və böyük həcc üçün iki milyondan artıq zəvvar gəlir və onların vaxtında geri dönməsinə nəzarət etmək, əslində, mümkün deyildir.
Bölmənin digər xəbərləri
