QOBUSTANDA 10 MİN TONLUQ TAXIL ANBARININ TİKİNTİSİNƏ BAŞLANILMIŞDIR
Qobustan, 15 mart (AZƏRTAC). Sahibkarlığa Kömək Milli Fondunun xətti ilə Qobustanda 10 min tonluq taxıl anbarının inşasına başlanılmışdır. Əkinçiliklə məşğul olan 5 min nəfərədək sahibkar bu xəbəri sevinclə qarşılamışdır.
Taxılçılıq rayonda iqtisadiyyatın aparıcı sahələrindəndir. Təkcə ötən il 27 min 28 hektar sahədə məhsul yetişdirilmiş, 43 min 884 ton taxıl istehsal olunmuşdur. Bu göstərici 2008-ci ildəkindən 10 min 404 ton çoxdur. Rayon üzrə adambaşına taxıl istehsalı 1.154 kiloqram təşkil etmişdir.
Artıq istehsal etdikləri məhsulun saxlanılması məsələsində sahibkarların problemi olmayacaqdır.
Anbarın cari ildə istifadəyə verilməsi nəzərdə tutulmuşdur.
Bölmənin digər xəbərləri
