Qobustanda nar bağlarında fitosanitar monitorinqlər aparılıb
Bakı, 4 noyabr, AZƏRTAC
Qida Təhlükəsizliyi Agentliyi respublika ərazisində karantin obyekti olan zərərli orqanizmlərin yayılmasının qarşısının alınması və mübarizə tədbirlərinin təşkili məqsədilə fitosanitar monitorinqləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Sumqayıt regional bölməsinin inzibati ərazi vahidinə daxil olan Qobustan rayonu ərazisində yerləşən nar bağlarında monitorinqlər keçirilib.
Monitorinq zamanı nar bağlarında ağaclara düzgün aqrotexniki qulluq qaydaları, bitki mühafizəsi və karantin tədbirləri haqqında bağ sahiblərinə zəruri göstərişlər verilib. Eyni zamanda müayinələrin aparılması üçün məhsullardan götürülən nümunələr Qida Təhlükəsizliyi İnstitutunun müvafiq laboratoriyalarına təqdim olunub.
Bölmənin digər xəbərləri
