Qubada soyğunçuluq edən şəxs saxlanılıb
Quba, 21 may, Elxan Yusifli, AZƏRTAC
Quba rayonunun Amsar kənd ərazisində Akif Sərdarova qarşı soyğunçuluq edərək, xeyli miqdarda pulunu açıq talama yolu ilə ələ keçirən şəxs saxlanılıb.
Daxili İşlər Nazirliyinin Mətbuat Xidmətinin Quba Regional qrupundan AZƏRTAC-ın bölgə müxbirinə verilən məlumata görə, Quba Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində həmin şəxsin Amsar kənd sakini, əvvəllər məhkum olunan 58 yaşlı Əjdər Ağammədov olduğu müəyyənləşib.
Saxlanılan şəxs dindirilmə zamanı törətdiyi cinayət əməlini etiraf edərək, soyğunçuluq yolu ilə əldə etdiyi pulları Xaçmaz şəhər ərazisində xərclədiyini bildirib.
Faktla əlaqədar Ə.Ağammədov barəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.
Bölmənin digər xəbərləri
