QUSARDA SAHİBKARLARLA GÖRÜŞ KEÇİRİLMİŞDİR
AZƏRTAC xəbər verir ki, avqustun 28-də Qusarda rayon icra hakimiyyətinin nümayəndələri ilə sahibkarlar arasında görüş keçirilmişdir.
Görüşdə ölkədə aparılan sosial-iqtisadi islahatlardan, kənd təsərrüfatı sahəsinə göstərilən dövlət qayğısından, əldə olunan uğurlardan və digər məsələlərdən danışılmışdır. İştirakçılar kənd təsərrüfatı məhsulları istehsalçılarına edilən vergi güzəştləri, yanacaq, motor yağları və mineral gübrələrin alınmasında göstərilən dövlət yardımının bu sahənin inkişafına xüsusi təkan verdiyini vurğulamışlar.
Tədbirdə, həmçinin ortaya çıxan problemlərin həlli yoları və Prezidentin kənd təsərrüfatının inkişafı ilə bağlı imzaladığı son Sərəncamından irəli gələn vəzifələrin yerinə yetirilməsi məsələləri geniş müzakirə olunmuşdur.
Bölmənin digər xəbərləri
