QUŞLARIN VƏ VƏHŞİ HEYVANLARIN XİLAS EDİLMƏSİ ÜÇÜN STRUKTUR YARADILACAQDIR

21.10.2003 [21:35]
Çap et
A⁺ A^-

Bu günlərdə Hamburqda “Neft axmalarının yabanı təbiətə təsiri” mövzusunda 7-ci Beynəlxalq konfrans keçirilmişdir. Dünya Heyvanları Müdafiə Fondunun səlahiyyətli nümayəndəsi Azərbaycanın təmsilçisi Azər Qarayevə bildirmişdir ki, konfransdan sonra o, Xəzərdə neft axmaları zamanı quşların və vəhşi heyvanların mühafizəsi və reabilitasiyasına dair səmərəli işçi qurumun yaradılması məsələsi ilə bağlı Fondun baş ofisi ilə əlaqə saxlayacaqdır.

A.Qarayevin dediyinə görə, Xəzərdə fövqəladə hallar zamanı faunanın qorunması üçün nə dövlət, nə də qeyri-hökumət qurumlarının olmaması konfransda narahatlıq doğurmuşdur.

Forum zamanı təşkil olunmuş məşğələlərin iştirakçıları xilasetmə işləri, o cümlədən zərər çəkmiş quşların və heyvanların xilası prosesinin mobil təşkili, bu məqsədlərlə müvafiq avadanlıqdan istifadə ilə bağlı təlimlər keçmiş, habelə bu sahədə beynəlxalq və yerli qanunvericiliyin əsas məqamlarını öyrənmişlər.

Konfransın işində 67 ölkə (MDB-dən yalnız Rusiya və Azərbaycan), eləcə də Quşların Xilasına dair Beynəlxalq Mərkəz, Neft Axmalarının Aradan Qaldırılması üzrə Beynəlxalq Korporasiya, “Neftdən zərər çəkmiş yabanı təbiətə qayğı” Beynəlxalq Təşkilatı (Kaliforniya), Heyvanların Mühafizəsi üzrə Britaniya Kral Cəmiyyəti və heyvanlar aləminin müasir sənaye növlərinin təsirindən qorunması ilə məşğul olan digər beynəlxalq təşkilatlar iştirak etmişlər.

QUŞLARIN VƏ VƏHŞİ HEYVANLARIN XİLAS EDİLMƏSİ ÜÇÜN STRUKTUR YARADILACAQDIR

MÜƏLLİFLƏ ƏLAQƏ

Bölmənin digər xəbərləri