Rabitə və informasiya texnologiyaları naziri Ucarda vətəndaşları qəbul edəcəkdir
Bakı, 12 noyabr (AZƏRTAC). Rabitə və informasiya texnologiyaları naziri Əli Abbasov noyabrın 15-də Ucarda bu rayondan eləcə də Göyçay və Ağdaşdan olan vətəndaşları qəbul edəcəkdir.
Nazirliyin mətbuat xidmətindən AZƏRTAC-a bildirmişlər ki, qəbul zamanı əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti, bu sahədə bölgələrdə əhalini maraqlandıran məsələlərə baxılacaqdır.
Vətəndaşlardan “[email protected]” elektron poçt ünvanı, 1655 saylı “Qaynar xətt”, 598 38 18 nömrəli (regionlardan edilən zənglər pulsuzdur) telefon vasitəsilə əlaqə saxlayıb qəbula yazılmaları xahiş olunur.
Eyni zamanda qəbula gəlmək istəyən vətəndaşlar, zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar.
Bölmənin digər xəbərləri
