Rəqib hesabda öndə olanda da hücum futbolunu davam etdirdik
Bakı, 7 sentyabr, AZƏRTAC
Komandam ən gözəl oyununu göstərdi. Rəqib hesabda öndə olanda da hücum futbolunu davam etdirdik. Öz səhvlərimizə görə rəqib komanda iki dəfə qapıya zərbə vurdu, hər ikisi də qol oldu. Bizim isə rəqib qapısına 21 zərbəmiz oldu. Təəssüf ki, qol şanslarından yararlana bilmədik. Amma yenə də komandamdan razıyam.
AZƏRTAC xəbər verir ki, bu sözləri Azərbaycan millisinin baş məşqçisi Robert Prosineçki "Avro-2016"nın seçmə mərhələsi çərçivəsində keçirilmiş Malta-Azərbaycan oyunundan sonra təşkil olunmuş mətbuat konfransında deyib.
Baş məşqçisi bildirib: "Oyunun gedişini nəzərə alsaq, deməliyəm ki, iki xal itirdik. Futbolda səhvlər bağışlanmır. Oyun boyu hücum edən tərəf biz olduq. Amma rəqib buraxdığımız səhvləri bağışlamadı".
R.Prosineçki qeyd edib ki, Azərbaycan millisində artıq hamı mübarizə apardı.
Bölmənin digər xəbərləri
