RƏSMİ KİŞİNYOV GUÖAM HAQQINDA
O vurğulamışdır ki, Moldova Prezidenti Vladimir Voroninin GUÖAM-ın Yalta sammitində iştirak etməməsini ölkənin bu regional təşkilata etinasız yanaşması kimi baxmaq olmaz. N.Dudeu demişdir ki, sammitdə respublikanı xarici işlər nazirinin birinci müavini Andrey Stratan təmsil etmiş və görüşdə təklif olunmuş bütün sənədləri imzalamışdır.
Moldova xarici siyasət idarəsinin başçısı nəzərə çarpdırmışdır ki, rəsmi Kişinyovun bu təşkilatın səmərəliliyi, habelə GUÖAM xətti ilə layihələrin həyata keçirilməsində respublikanın iştirakı barədə bəzi mülahizələri var.
Onun sözlərinə görə, Vladimir Voronin hələ ötənilki sammitdə demişdi ki, təşkilatda dəyişikliklər edilməsə, Moldova müəyyən tədbirlər görmək hüququnu özündə saxlayır. N.Dudeu demişdir: “GUÖAM çərçivəsində bizi, ilk növbədə, iqtisadi əməkdaşlıq məsələsi maraqlandırır. Təəssüf ki, bizi bəzi mühüm layihələrin həyata keçirilməsindən uzaqlaşdırmışlar. Məsələn, söhbət neft və qazın nəqli dəhlizlərindən gedir”.
Bölmənin digər xəbərləri
