Rəsmi Tbilisi Venesiya Komissiyasının rəyini sərt tənqid edib
Tbilisi, 22 may, AZƏRTAC
Venesiya Komissiyasının (VK) "Xarici təsirin şəffaflığı haqqında" qanun ilə bağlı rəyi qərəzli və paradoksaldır. Təəssüf ki, komissiyanın rəyi onun platformasından peşəkar mühakimə deyil, qərəzli siyasi qiymətlər vermək üçün istifadə edilib. Bu da komissiyanın imicinə xələl gətirir.
AZƏRTAC xəbər verir ki, bunu "Gürcü Arzusu-Demokratik Gürcüstan" partiyasından olan deputat Salome Kurasbediani brifinqdə bildirib.
Onun sözlərinə görə, Venesiya Komissiyasının rəyi bir daha təsdiq etdi ki, qanuna qarşı heç bir hüquqi arqument yoxdur.
"Gürcü arzusu”nda Venesiya Komissiyasının qiymətləndirməsi ziddiyyətli qəbul olunub. Burada faktların bir sıra kobud təhriflərinə rast gəlinir", - deyə deputat vurğulayıb.
O əlavə edib ki, Gürcüstan Prezidenti Salome Zurabişvilinin “Xarici təsirin şəffaflığı haqqında" qanuna qoyduğu veto parlamentin növbəti sessiyasında müzakirəyə çıxarılacaq və müvafiq qərar qəbul olunacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
