RESPUBLİKA RABİTƏ NAZİRLİYİNDƏ OPERATİV MÜŞAVİRƏ KEÇİRİLMİŞDİR
Nazirliyin mətbuat xidmətindən AZƏRTAC-a bildirmişlər ki, müşavirədə çıxış edən rabitə naziri Nadir Əhmədov respublikamızın Prezidentinin geniş nitqində qarşıya qoyduğu vəzifələrdən danışmışdır.
Azərbaycan Prezidentinin genişməzmunlu nitqinin rabitə işçiləri üçün də fəaliyyət proqramı kimi qəbul edildiyini diqqətə çatdıran natiq son illər bu sahədə qazanılan nailiyyətlərin uğurla davam etdiriləcəyini vurğulamışdır. O, mövcud problemlərin qısa müddətdə aradan qaldırılması barədə idarə və müəssisə rəhbərlərinin rəy və təkliflərinin nazirliyə təqdim olunmasını tapşırmış və cənab Prezidentin dediyi kimi, hər şəxsin fəaliyyətinin son nəticəyə görə qiymətləndiriləcəyini bir daha hamının nəzərinə çatdırmışdır.
Müşavirədə çıxış edən rabitəçilər respublikamızın Prezidentinin yürütdüyü siyasəti ürəkdən dəstəklədiklərini, onun bütün göstəriş və tapşırıqlarını layiqincə yerinə yetirmək üçün var qüvvə ilə çalışacaqlarını bildirmişlər.
Bölmənin digər xəbərləri
