Respublikaçı yəhudilər Nobel Sülh Mükafatının Trampın adına dəyişdirilməsini təklif ediblər
Vaşinqton, 9 oktyabr, AZƏRTAC
ABŞ-dakı Respublikaçılar Partiyasından olan yəhudilər açıqlama yayaraq, Prezident Donald Trampa Qəzzada müharibəyə son qoymaq səylərinə görə Nobel Sülh Mükafatı verməyin kifayət olmadığını bildiriblər.
AZƏRTAC-ın məlumatına görə, Respublikaçılar Partiyasının Yəhudi Koalisiyasının bəyanatında deyilir ki, Prezident Tramp təkcə Nobel mükafatını qazanmamalıdır, bu mükafat onun adına dəyişdirilməlidir.
“734 gündən sonra bu hərtərəfli saziş Yaxın Şərq üçün yeni səhifə açır, Birləşmiş Ştatlar və İsrail arasında sarsılmaz müttəfiqliyi bir daha təsdiqləyir və bütün regionda sülhü genişləndirmək üçün imkanları təqdim edir”, - deyə bəyanatda vurğulanıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
