RESPUBLİKADA TAXIL YIĞIMI BAŞA ÇATIR
Kənd Təsərrüfatı Nazirliyindən AZƏRTAC-a bildirmişlər ki, respublikada taxıl yığımı başa çatır. Avqustun 11-dək ölkə üzrə 863 min hektar taxıl sahəsinin 851 min hektarından çoxu və ya 98,5 faizi biçilmişdir.
Hələlik zəmilərdən 2 milyon 308 min 887 ton taxıl götürülmüşdür. Keçən il bu rəqəm 1 milyon 825 min 187 ton idi. Cari ildə hər hektarın orta məhsuldarlığı 27,1 sentner (ötən il 26,2 sentner) olmuşdur. Bu il mütəxəssislər 2 milyon 350 min ton taxıl istehsal olunacağını proqnozlaşdırırlar. Məhsulun 150-160 min tonu gələn ilə toxumluq üçün saxlanacaqdır.
Bölmənin digər xəbərləri
