Rəssamlıq Akademiyasının rektoru kollektivə təqdim edilib
Bakı, 16 fevral, AZƏRTAC
Prezidentin müvafiq Sərəncamı ilə Azərbaycan Rəssamlıq Akademiyasının rektoru vəzifəsinə təyin edilmiş Natiq Əliyev müəssisə kollektivinə təqdim olunub.
Bu barədə AZƏRTAC-a Elm və Təhsil Nazirliyindən məlumat verilib.
Tədbirdə elm və təhsil naziri Emin Əmrullayev, eləcə də təhsil müəssisəsinin pedaqoji kollektivi iştirak edib.
Nazir Emin Əmrullayev Natiq Əliyevin Rəssamlıq Akademiyasına rektor təyin olunması ilə bağlı Sərəncamı diqqətə çatdırıb və yeni rektora fəaliyyətində davamlı uğurlar arzulayıb.
Rektor Natiq Əliyev ona göstərilən etimada görə minnətdarlığını bildirib və üzərinə düşən vəzifəni yüksək səviyyədə yerinə yetirəcəyini söyləyib.
Bölmənin digər xəbərləri
