Rəyi soruşulan fransızların 67 faizi Baş nazirin dəyişdirilməsini istəyir
Paris, 13 noyabr (AZƏRTAC). Fransanın Opinionvay agentliyi baş nazirin və hökumətin fəaliyyəti barədə ölkə vətəndaşlarının fikrini öyrənmək məqsədilə sorğu keçirmişdir.
Rəyi soruşulan fransızların 67 faizi Prezident Fransua Ollandın Baş naziri dəyişdirməsi və yeni hökuməti təşkil etməsi arzusunda olduqlarını bildirmişdir.
Sorğuda iştirak edənlərin 30 faizi hazırki Baş nazirin və onun rəhbərlik etdiyi hökumətin fəaliyyətini dəstəklədiklərini bildirmişlər. 3 faiz isə cavab verməkdən imtina etmişdir.
Sorğu yaşı 18-dən yuxarı olan 1002 fransız arasında keçirilmişdir.
Əsgər Əliyev,
AZƏRTAC-ın xüsusi müxbiri
Paris
Bölmənin digər xəbərləri
