RFİ-NİN PREZİDENTİ “BİRLİK KUBOKU” YARIŞLARINDA İSLAHAT APARMAQ NİYYƏTİNDƏDİR
AZƏRTAC İTAR-TASS-a istinadla xəbər verir ki, Rusiya Futbol İttifaqının (RFİ) prezidenti, Federasiya Şurasının gənclər və idman işləri komissiyasının sədri Vitali Mutko “Birlik kuboku” beynəlxalq turnirində islahat aparmaq və mükafat fondunu 1 milyon dollara qaldırmaq niyyətindədir. Mutko bunu Özbəkistan Futbol Federasiyası (ÖFF) ilə əməkdaşlıq haqqında memorandum imzalanması mərasimindən sonra bildirmişdir.
RFİ-nin başçısı demişdir: “Birlik kuboku” çox mühüm turnirdir və Beynəlxalq Futbol Assosiasiyaları Federasiyasının və Avropa Futbol Assosiasiyaları İttifaqının dəstəyi ilə keçirilir. Biz ənənəvi turnirin islahatı barədə məsələni keçmiş sovet respublikalarının futbol federasiyaları ilə birlikdə müzakirə edəcəyik. RFİ mükafat fondunu bir milyon dollaradək artırmağa hazırdır. Bir sözlə, turniri hamı üçün faydalı etmək istəyirik”.
Mutko həmçinin bildirmişdir ki, “Birlik kuboku”nun islahatı, habelə turnirin beynəlxalq Müdiriyyətinin yaradılması məsələlərinin müzakirəsi üçün MDB-nin bütün futbol federasiyalarının baş katiblərini iki aydan sonra Moskvaya dəvət etməyi planlaşdırır.
Bölmənin digər xəbərləri
