“Ruhi Bağdadi yaradıcılığında ictimai motivlər” monoqrafiyası çapa təqdim olunub
Bakı, 25 aprel, AZƏRTAC
AMEA-nın Məhəmməd Füzuli adına Əlyazmalar İnstitutunun Multidissiplinar əlyazmaların tədqiqi şöbəsinin elmi işçisi Şöhrət Səlimbəylinin “Ruhi Bağdadi yaradıcılığında ictimai motivlər” monoqrafiyası çapa təqdim olunub.
Bu barədə AZƏRTAC-a Əlyazmalar İnstitutundan məlumat verilib. Bildirilib ki, XVI əsr Bağdad ədəbi mühitində böyük Füzulidən sonra ictimai lirikada haqsızlığa, ədalətsizliyə qarşı etiraz notları Ruhi Bağdadi (1544-1606) yaradıcılığında daha qabarıqdır. O da Füzuli kimi XVI əsrdə Osmanlı imperiyasında baş verən hadisələri dərindən duyub, onların həqiqi qiymətini verməyə çalışıb.
Monoqrafiya Ruhi Bağdadinin cəmiyyətə baxışını ortaya qoymaqla yanaşı, şairin dövründə insanların yaşam tərzi haqqında da hərtərəfli təsəvvür yaradır.
Nəşrin elmi redaktoru filologiya elmləri doktoru Paşa Kərimov, redaktorları filologiya elmləri doktoru Raqub Kərimov və filologiya elmlər doktoru, professor Yaqub Babayevdir. Kitabın rəyçisi və “Ön söz”ün müəllifi isə filologiya elmləri doktoru, professor Mahmud Allahmanlıdır.
Bölmənin digər xəbərləri
