RUMINİYA FUTBOLÇULARINI YALANTUTAN DETEKTORDA YOXLAYACAQLAR

24.04.2006 [11:13]
Çap et
A⁺ A^-

AZƏRTAC Röyter agentliyinə istinadla xəbər verir ki, Rumıniya çempionatının birinci dəstəsində iki oyunu “satmaq”da şübhəli bilinən “Nasional” klubunun futbolçuları yalantutan detektorda yoxlamadan keçiriləcəklər. Ötən həftə komanda “Vasluy” (0:1) və “Jiul” (0:2) klublarına gözlənilmədən uduzmuş və Avropa kubokları uğrunda yarışlarda iştirak etmək imkanını itirmişdir.

Klubun sahibi Konstantin İakov bu yoxlamanı “mənəvi audit” adlandırmışdır. O, agentliyin müxbirinə demişdir: “Yoxlama sübut edəcək ki, futbolçular son iki görüşdə vicdanla oynamış və şəxsi mənfəət güdməmişlər. Zənnimcə, futbolçuları vaxtaşırı yoxlamaq tamamilə normal haldır”.

Maraqlıdır ki, İakovun özü də yalantutan detektorda yoxlamadan keçməyə razılıq vermişdir. Bundan başqa, xüsusi aparat klubun məşqçilərini də yoxlayacaqdır.

RUMINİYA FUTBOLÇULARINI YALANTUTAN DETEKTORDA YOXLAYACAQLAR

MÜƏLLİFLƏ ƏLAQƏ

Bölmənin digər xəbərləri