Rumıniyada SOCAR brendi ilə daha dörd YDM istifadəyə verilmişdir
Bakı, 12 noyabr (AZƏRTAC). Cari ilin noyabrında Rumıniyanın qərb regionunda, Macarıstanla sərhəddə yerləşən Oradea şəhərində iki, Piatra Neamt şəhərində bir və Buzau şəhərində bir yanacaqdoldurma məntəqəsi (YDM) olmaqla 4 YDM tikilərək istifadəyə verilmişdir.
Azərbaycan Respublikası Dövlət Neft Şirkətinin mətbuat xidmətindən AZƏRTAC-a bildirmişlər ki, bununla da Rumıniyada SOCAR brendi ilə fəaliyyət göstərən YDM-lərin sayı 20-yə çatmışdır.
YDM-lərdə müştərilərə Euro Dizel-95, Super Euro Dizel-98, Benzin-95 və 98 tipli neft məhsulları, mavi qaz təklif olunur. Məntəqələrdə 4 sayğac quraşdırılmış, bununla da 6 kiçik avtonəqliyyat vasitəsinin və 2 iri tutumlu yük maşınının eyni zamanda yanacaqla təmin edilməsi üçün şərait yaradılmışdır. YDM-lərin ərazisində “Nar” kafeləri fəaliyyət göstərir. Rumıniyada ilk dəfə olaraq SOCAR YDM-də əhaliyə təzə dönər təqdim edilir. Müştərilər həmçinin 24 saat pulsuz internet xidmətləri ilə təmin olunmuşlar.
Bölmənin digər xəbərləri
