RUSİYA-AZƏRBAYCAN DİPLOMATİK MÜNASİBƏTLƏRİNİN ON İLLİYİ MÜNASİBƏTİLƏ
Aprelin 3-də “Azərbaycan” mehmanxanasında Rusiya Federasiyası ilə Azərbaycan Respublikası arasında diplomatik münasibətlər qurulmasının on illiyi ilə əlaqədar xatirə lövhəsinin açılış mərasimi olmuşdur.
Rusiyanın ölkəmizdəki səfiri Nikolay Ryabov mərasimdə çıxış edərək demişdir ki, onun ölkəsinin diplomatik korpusu 1993-cü ilin sentyabr ayında Azərbaycanda fəaliyyətə başlayanda bu mehmanxanada yerləşirdi və onun üçün yaxşı şərait yaradılmışdı. Səfir həm buna görə, həm də xatirə lövhəsinin qoyulmasına imkan verildiyinə görə mehmanxana rəhbərliyinə minnətdarlığını bildirmişdir.
Sonra Nikolay Ryabov xatirə lövhəsinin üstvündən örtüyü götürdü. Xatirə lövhəsində yazılmışdır: “Rusiyanın Azərbaycandakı səfirliyi 1993-cü ilin sentyabrindan 1998-ci ilin avqustunadək “Azərbaycan” mehmanxanasında yerləşmişdir”.
Prezidentin İcra Aparatının xarici əlaqələr şöbəsinin müdiri Novruz Məmmədov, xarici işlər nazirinin müavini Xələf Xələfov, xarici ölkələrin Bakıdakı səfirləri mərasimdə iştirak edirdilər.
Bölmənin digər xəbərləri
