RUSİYA BOKS FEDERASİYASI AİBA-NI MƏHKƏMƏYƏ VERİR
AZƏRTAC xarici KİV-lərə istinadla xəbər verir ki, Rusiya Həvəskar Boks Federasiyası (RBF) Beynəlxalq Həvəskar Boks Assosiasiyasını (AİBA) Lozannadaki Arbitraj İdman məhkəməsinə vermək niyyətindədir. RBF rəhbərliyinin fikrincə, AİBA-nın Moskvanın 2007-ci ilin dünya çempionatını keçirmək hüququnu geri götürmək qərarı qeyri-qanunidir.
RBF-nin prezidenti Eduard Xusainov demişdir: “Bütün lazımi sənədlər yaxın vaxtlarda Lozannaya göndəriləcəkdir. Bundan əlavə, RBF başçısının AİBA-nın vitse-prezidenti vəzifəsindən kənarlaşdırılması barədə qanunsuz qərarla da bağlı şikayət ərizəsi verəcəyik”.
Xusainovun sözlərinə görə, AİBA ilə münaqişə Rusiya yığmasının sentyabrın 10-30-da Cənubi Koreyada keçiriləcək dünya birinciliyində iştirak etməsinə mane olmayacaqdır. AİBA rəhbərliyinin səhv qərarından boksçular və azarkeşlər əziyyət çəkirlər. Biz çempionata gedəcək və heç nəyə baxmayaraq, döyüşəcəyik.
Bölmənin digər xəbərləri
