RUSİYA DAXİLİ SU YOLLARINI XARİCİ GƏMİLƏR ÜÇÜN AÇMAĞI PLANLAŞDIRIR
AZƏRTAC-ın Moskva müxbirinin verdiyi xəbərdə deyilir ki, Rusiya Nəqliyyat Nazirliyinin mətbuat xidməti Dövlət Şurası Rəyasət Heyəti işçi qrupunun “RF-nin nəqliyyat strategiyası haqqında” məruzəsini yaymışdır. Sənəddə deyilir ki, Rusiya 2007-ci ilədək Azov dənizindən Həştərxan limanınadək, 2010-cu ilədək isə Volqoqraddan Sankt-Peterburqadək daxili su yollarını xarici bayraq altında üzən gəmilər üçün açmağı nəzərdə tutur.
Məruzədə bildirilir ki, daxili su yollarının mərhələ-mərhələ açılması Rusiya hökumətinin beynəlxalq iqtisadi inteqrasiyanı dərinləşdirmək, Dünya Ticarət Təşkilatına daxil olmaq və sərbəst gəmiçilik haqqında müqavilə və sazişlərə qoşulmaq sahəsində apardığı siyasətin əsas cəhətlərindən biridir.
Bölmənin digər xəbərləri
