RUSİYA DÖVLƏT DUMASI SEÇİCİLƏRİN SƏSVERMƏDƏ İŞTİRAKININ MİNİMUM HƏDDİNİ LƏĞV ETMİŞDİR
Dövlət Duması uzun müzakirələrdən sonra “Seçici hüquqlarının əsas təminatları haqqında və RF vətəndaşlarının referendumda iştirak hüquqları” Qanununa və Mülki Prosessual Məcəlləyə dəyişiklikləri üçüncü oxunuşda səs çoxluğu ilə qəbul etmişdir. Dəyişikliyə görə, əsas seçki qanunundan seçici siyahılarındakı seçicilərin ümumi sayından azı 20 faiz adam iştirak etdiyi halda, seçkilərin baş tutmadığı haqqında müddəa çıxarılmışdır. Sənəddə deyilir ki, bu norma referendumların keçirilməsinə şamil edilməyəcəkdir. Bundan əlavə, növbədənkənar səsvermə imkanı da istisna edilir. Seçki təşviqatına ekstremist yönümlü xüsusi ağır cinayətlərə görə məhkum olunmuş, cəza çəkən və nasist rəmzinin təbliğinə görə inzibati cəza verilmiş şəxslər buraxılmayacaqdır.
Bölmənin digər xəbərləri
