RUSİYA PREZİDENTİ VLADİMİR PUTİN MƏTBUAT KONFRANSI KEÇİRMİŞDİR
Rusiya Prezidenti ötən ilin siyasi və iqtisadi yekunlarını ümumilikdə müsbət qiymətləndirmişdir. Onun sözlərinə görə, 2005-ci ildə Rusiyanın fond bazarı xeyli genişlənmiş, ÜDM 6,4 faiz artmış, ölkənin Mərkəzi Bankının qızıl-valyuta ehtiyatı, sabitləşdirmə fondunun gəlirləri, ölkə üzrə orta aylıq əmək haqqı və əhalinin gəlirləri əhəmiyyətli dərəcədə artmışdır.
Vladimir Putin ötən ilin siyasi yekunlarından danışaraq bildirmişdir ki, siyasi baxımdan da inkişaf nəzərə çarpır. O, dövlətdə ictimai nəzarəti həyata keçirən İctimai Palatanın yaradılmasını mühüm hadisə adlandırmışdır. Çeçenistanda hakimiyyət orqanlarının yaradılmasına xüsusi diqqət yetirilmişdir. V.Putin vurğulamışdır ki, Çeçenistan tamamilə Rusiyanın hüquqi nəzarətinə qaytarılmışdır.
Sonra Rusiya Prezidenti Moskvada akkreditə olunmuş 1000-dən çox jurnalistin (bu rekord göstəricidir) çoxsaylı suallarına cavab vermişdir. O, ölkədaxili siyasət və beynəlxalq aləmlə bağlı problemlərə də toxunmuşdur.
Bölmənin digər xəbərləri
