Rusiya Prezidenti Vladimir Putinin ənənəvi mətbuat konfransının vaxtı müəyyənləşib
Moskva, 1 dekabr, AZƏRTAC
Rusiya Prezidenti Vladimir Putin dekabrın 23-də ənənəvi böyük mətbuat konfransı keçirəcək.
AZƏRTAC xəbər verir ki, bu barədə Kremlin mətbuat xidmətinin rəhbəri Dmitri Peskov bildirib.
O qeyd edib ki, bu il də mətbuat konfransı əyani formatda təşkil olunacaq. Lakin pandemiya səbəbindən salona buraxılacaq jurnalistlərin sayı 500 nəfərədək məhdudlaşdırılacaq.
Ənənəvi olaraq Moskvadakı Beynəlxalq Ticarət Mərkəzində keçirilən mətbuat konfransı bu il daha geniş “Manej” Ticarət-Sərgi Mərkəzində baş tutacaq. Tədbirdə iştirak edəcək jurnalistlər üç dəfə koronavirus testi verməli olacaqlar.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
