Rusiya səfiri: Britaniya Ukrayna müharibəsinin “de-fakto” iştirakçısıdır
London, 17 may, AZƏRTAC
Rusiyanın Birləşmiş Krallıqdakı səfiri Andrey Kelin Britaniyanın Ukrayna müharibəsinin “de-fakto” iştirakçısı olduğunu deyib.
AZƏRTAC xəbər verir ki, səfir Rusiyanın “Rossiya-24” dövlət telekanalına müsahibə verib. O deyib ki, Böyük Britaniya Kiyevi silahla təmin etdiyi və real vaxt rejimində kəşfiyyat məlumatlarını paylaşdığı üçün Britaniya Ukrayna müharibəsinin “de-fakto” iştirakçısı hesab olunur.
Rusiyanın keçmiş prezidenti Dmitri Medvedev bundan əvvəl də oxşar iddia ilə çıxış etmişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
