RUSİYA, UKRAYNA VƏ AZƏRBAYCAN ARTİSTLƏRİNİN BİRGƏ TAMAŞASI
Dövlət Opera və Balet Teatri oktyabrın 12-də C.Verdinin “Riqoletto” operasını göstərəcəkdir.
Tamaşada Ukrayna və Rusiya opera sənətinin nümayəndələri də iştirak edəcəklər. Hersoqun partiyasını Ukraynanın əməkdar artisti, Ukrayna Dövlət Opera və Balet Teatrının solisti Andrey Romanenko, Riqolettonun partiyasını isə Mariya Opera və Balet Tetrının və Londonun “Kovent-Qarden” Kral Teatrının solisti, Rusiyanın xalq artisti Sergey Leferkus ifa edəcəklər.
Azərbaycan Opera və Balet Teatrının aktrisası İnarə Babayeva Cilda rolunu ilk dəfə oynayacaqdır. Tamaşada teatrın digər solistləri - respublikanın əməkdar artistləri Şahlar Quliyev, Validə Paşayeva, Əli Əsgərov, vokalçıların İtaliyada keçirilmiş Beynəlxalq müsabiqəsinin diplomçusu Əkrəm Poladov da çıxış edəcəklər.
Bölmənin digər xəbərləri
