Rusiyanın “IATEK” şirkəti Azərbaycanın tikinti bazarında maraqlıdır
Bakı, 20 oktyabr, AZƏRTAC
Rusiyanın “IATEK” şirkəti 2007-ci ildən fəaliyyət göstərir. Şirkət əsasən tikinti sektorunda istifadə edilən qazma qurğuları və digər avadanlıqların istehsalı üzrə ixtisaslaşıb.
AZƏRTAC xəbər verir ki, bu sözləri oktyabrın 20-də II Azərbaycan Beynəlxalq “Qarabağın Bərpa, Yenidənqurma və İnkişafı” - “Rebuild Karabakh” sərgisinin iştirakçısı, şirkətin xarici iqtisadi əlaqələr üzrə direktoru Yekaterina Lukaşenko deyib.
O, qeyd edib ki, istehsal edilən bütün texnikaların keyfiyyətinə şirkət tərəfindən zəmanət verilir. Texnikalar üçün zəruri olan mühərriklər ABŞ, Avropa ölkələrindən və Yaponiyadan alınır.
Bakıya ilk dəfədir gəldiyini deyən şirkət təmsilçisi bildirib ki, Azərbaycanın tikinti bazarında maraqlıdırlar. Bu günədək yalnız Belarus və Qazaxıstanda təmsil olunublar.
Azərbaycanda, xüsusən də Qarabağda nəhəng tikinti işlərinin getdiyini vurğulayan Y.Lukaşova qeyd edib ki, təmsil etdiyi qurum da öz növbəsində azad olunmuş ərazilərin bərpasında iştirak etmək niyyətindədir.
Bölmənin digər xəbərləri
