RUSİYANIN XARİCİ İŞLƏR NAZİRLİYİ MDB İŞLƏRİ ÜZRƏ FEDERAL AGENTLİK YARADILMASINA DAİR TƏKLİFLƏR HAZIRLAMIŞDIR
AZƏRTAC-ın xüsusi müxbiri xəbər verir ki, Rusiya Federasiyası Xarici İşlər Nazirliyi hökumətə MDB işləri üzrə federal agentlik yaradılmasına dair təkliflər göndərmişdir. Agentlik ABŞ-ın USAID təşkilatı kimi, beynəlxalq humanitar əməkdaşlıq və həmvətənlərlə əlaqələr məsələləri ilə məşğul olacaqdır.
Yeni hökumət strukturunun tezliklə yaradılacağını RF XİN-in birinci MDB ölkələri departamentinin direktoru Vyaçeslav Şumski “Kommersant” qəzetinə bildirmişdir. Onun sözlərinə görə, sənəd işçi xarakter daşıyır və hazırda idarələrarası razılaşdırılma mərhələsindədir. Rusiya XİN-də ümid edirlər ki, avqust ayında sənəd müvafiq prosedurlardan keçəcək və bundan sonra hökumət agentliyin yaradılması haqqında qərar verəcəkdir. Bununla RF Prezidenti Dmitri Medvedevin müvafiq Fərmanının XİN-in nəzdində MDB məsələləri üzrə federal agentlik yaratmaq barədə bəndi icra olunacaqdır.
Bölmənin digər xəbərləri
