SABİRABAD RAYONUNDA SUVARMA-DRENAJ ŞƏBƏKƏLƏRİ BƏRPA OLUNUR
AZƏRTAC xəbər verir ki, 2007-ci ilin 10 ayında "Meliorasiya və Su Təsərrüfatı" Açıq Səhmdar Cəmiyyətinin müəssisələri Sabirabadda 23 elektrik mühərriki, 24 su nasosu, 1 üzən nasos-stansiya, 2 güc transformatoru, 3 dizel mühərriki, 39 hidrotexniki qurğu təmir etmiş, 356,9 kilometr uzunluğu olan su kanallarını və 110,8 kilometrlik kollektor-drenaj şəbəkəsini lildən təmizləmişlər.
Mütəxəssislər bildirmişlər ki, həmin dövrdə rayonda meliorasiya tədbirlərinin lazımi səviyyədə həyata keçirilməsi 18 min hektara yaxın torpaq sahəsinin münbitliyinin qorunmasına, kənd təsərrüfatı bitkilərinin məhsuldarlığının yüksəldilməsinə təsir göstərmişdir.
Bölmənin digər xəbərləri
